SUMARNÁMSKEIÐ 2024 – Söngur og sjálfstyrking fyrir 7-9 ára

Skemmtilegt og uppbyggjandi námskeið fyrir 7-9 ára krakka þar sem markmiðið er að hver einstaklingur fái að blómstra og vaxa í gegnum söng og tjáningu. Einnig er mikil áhersla lögð á að auka sjálfstraustið hjá börnunum í gegnum æfingar, skapandi leiki og jóga. Hver og einn velur sér eitt lag til að vinna með á námskeiðnu og síðasti tíminn er síðan “opin æfing” þar sem aðstandendur eru velkomnir að koma og sjá afraksturinn. Einnig þjálfast börnin í að syngja saman í kór og tóneyrað þjálfað með því að æfa einfalda keðjusöngva.

Það sem söngvarinn lærir er meðal annars: 

• Kynnast röddinni sinni betur og möguleikum hennar
• Breiðara raddsvið og/eða raddstyrkur
• Túlkun, tjáning og framkoma
• Textaskilningur
• Syngja saman í kór
• Að syngja í röddum
• Verkfærakistu til að takast á við sviðsskrekk t.d. öndunaræfingar
• Leiklistarspuna
• Einfaldar jógaæfingar
• Að syngja í míkrafón

Praktísk atriði: 

• Hvenær:  10.-14. júní kl. 09:00 – 12:00
• Hvar: Víkurhvarf 1, 203 Kópavogi
• Lengd námskeiðs: 15 klukkustundir
• Verð: 29.900
• Kennarar: Sólveig Unnur Ragnarsdóttir og María Dalberg. Hér má sjá upplýsingar um þær: https://www.vocalist.is/starfsfolk
• Hámarksfjöldi í hóp: 15
• Aldurstakmark: 7-9 ára